Image Systems (ပုံရိပ်စနစ်များ)

 ကဗျာဆရာလိုဇာတ်ညွှန်းရေးဆရာ
‘ဇာတ်ညွှန်းရေးဆရာဟာ ကဗျာဆရာတစ်ယောက်လို ဖွဲ့နွဲ့နေလို့မရလို့ သနားစရာကောင်းတယ်” ဆိုတာ တကယ်တော့မမှန်ပါဘူး။ ဇာတ်ညွှန်းရေးဆရာဟာ ဇာတ်လမ်းရဲ့ကဗျာဆန်မှုသဘာဝတရားနဲ့ ရုပ်ရှင်တစ်ခုထဲမှာ အလုပ်လုပ်ပုံတွေကို နားလည်တာနဲ့တပြိုင်နက် ရုပ်ရှင်ဟာလည်း ကဗျာဓာတ်အတွက် ကြားခံနယ်ကောင်းတစ်ခုဖြစ်တာ နားလည်လာမှာပါ။
ကဗျာဆန်တယ်ဆိုတာဟာ လှပတာကို ဆိုလိုတာမဟုတ်ပါဘူး။ လှပရုံသက်သက်သာ ရိုက်ကူးထားတဲ့ ရုပ်ရှင်တွေကို ကဗျာဆန်တယ်လို့ ပြောလို့မရပါဘူး။ ခံစားချက်ကို ပိုမိုဖော်ပြနိုင်စွမ်းရှိမှုကိုသာ ကဗျာဆန်တယ်လို့ဆိုနိုင်တာပါ။ ဇာတ်လမ်းတစ်ပုဒ်ရဲ့ အကြောင်းအရာဟာ လှပသည်ဖြစ်စေ၊ အကျည်းတန်သည်ဖြစ်စေ၊ ဘာသာတရားကိုင်းရှိုင်းစေသည်ဖြစ်စေ၊ ဘာသာတရားနဲ့ ဆန့်ကျင်သည်ဖြစ်စေ၊ ငြိမ်သက်သိမ်မွေ့သည်ဖြစ်စေ၊ ကြမ်းတမ်းရက်စက်သည်ဖြစ်စေ၊ ကျေးလက်ဒေသအကြောင်းဖြစ်စေ၊ မြို့ပြအကြောင်းဖြစ်စေ၊ ကြီးကျယ်ခမ်းနားသည်ဖြစ်စေ၊ ရင်းနှီးကျွမ်းဝင်သော အကြောင်းအရာဖြစ်စေ၊ ခံစားချက်ကို အပြည့်အဝဖော်ပြနိုင်မှုလိုအပ်ပါတယ်။ ကောင်းမွန်စွာ ရေးသားရိုက်ကူးသရုပ်ဆောင်ထားတဲ့ ဇာတ်လမ်းတစ်ပုဒ်ဟာ ရုပ်ရှင်ကောင်းတစ်ခုသာ ဖြစ်ကောင်းဖြစ်နိုင်ပြီး ကောင်းမွန်စွာ ရေးသားရိုက်ကူးသရုပ်ဆောင်မှုအပြင် ကဗျာဆန်မှုမှတဆင့် အဲဒီရုပ်ရှင်ရဲ့ ခံစားမှုဖော်ပြနိုင်စွမ်းကို ပိုမိုလေးနက်ကြွယ်ဝစေမှသာလျှင် ကြီးကျယ်တဲ့ ရုပ်ရှင်ကောင်းတစ်ခုဖြစ်နိုင်မှာပါ။
ရုပ်ရှင်ဇာတ်လမ်းတစ်ပုဒ်ကို ကြည့်ရှုခံစားတဲ့အခါမှာ ပရိသတ်တွေဟာ ရုပ်ရှင်ထဲက ရုပ်ပုံတိုင်းကို အမှတ်သညာအားဖြင့် တုံ့ပြန်ကြပါတယ်။ ကျွန်တော်တို့တွေဟာ ရုပ်ရှင်ထဲပြသထားတဲ့ အရာများကို မူရင်းအဓိပ္ပာယ်ထက် ပိုပြီး အလိုအလျောက်အားဖြင့် ဖွင့်ဆိုခံစားကြပါတယ်။ ရုပ်ရှင်ထဲမှာ ကားတစ်စီးဝင်လာတဲ့အခါ ကျွန်တော်တို့ဟာ ကားတစ်စီးဆိုတဲ့ သာမန်အတွေးနဲ့ပဲ တုံ့ပြန်ကြတာမဟုတ်ပါဘူး။ ထပ်ဆင့်အဓိပ္ပာယ်ဖွင့်ဆိုကြပါတယ်။ ကျွန်တော်တို့တတွေဟာ “ဟာ မာစီဒီးကား… ဒါဟာ ချမ်းသာခြင်းကို ပြတာ” “ လမ်ဘော်ဂနီကား… အရမ်းချမ်းသာတာ” “ သံချေးတက်နေတဲ့ ဗောက်ဝက်ဂွန်ကား… ဒါဟာ အနုပညာသမား” “ဟာလီဒေးဗစ်ဆင်ဆိုင်ကယ်… အန္တရာယ်” စသည်ဖြင့် အဓိပ္ပာယ်ဖွင့်ဆိုကြပါတယ်။ ဇာတ်လမ်းဖန်တီးသူဟာ သူ့ရဲ့ဇာတ်လမ်းကို ပရိသတ်ရဲ့ ဒီအလေ့အထပေါ်မှာ မှီတည်ပြီး တည်ဆောက်ရပါမယ်။
ကောင်းမွန်စွာရေးသားထားတဲ့ ဇာတ်လမ်းကနေ အနုပညာမြောက်လက်ရာတစ်ခုအဖြစ်ပြောင်းလဲဖို့က ပထမအဆင့်အနေနဲ့ အစစ်အမှန် ကိုးဆယ်ရာခိုင်နှုန်းလောက်ကို ဖယ်ထုတ်ပစ်ဖို့ပါပဲ။ ကမ္ဘာကြီးပေါ်မှာရှိတဲ့အရာတွေဟာ ဘယ်ရုပ်ရှင်အတွက်မဆို ထိရောက်တဲ့ ထပ်ဆင့်အဓိပ္ပာယ်မပေးစွမ်းနိုင်ပါဘူး။ အဲဒါကြောင့် ဖြစ်နိုင်ချေရှိတဲ့အရာဝတ္တုရုပ်ပုံတွေထဲကဇာတ်အတွက် ဆီလျော်တဲ့ အထောက်အပံ့ပေးနိုင်တဲ့ အရာဝတ္ထုတွေကိုပဲ သုံးစွဲရမှာပါ။
ထုတ်လုပ်ရေးအပိုင်းမှာတော့ ဒါရိုက်တာတစ်ယောက်က ဇာတ်ဝင်ခန်းတစ်ခုအတွက် ပန်းအိုးတစ်လုံးလိုချင်တယ်ဆိုလို့ရှိရင် အဲဒီကိစ္စဟာ ဆွေးနွေးချိန်တစ်နာရီလောက်ကြာသွားနိုင်ပါတယ်။ ဘယ်လိုပန်းအိုးအမျိုးအစားမျိုးလဲ၊ ဘယ်ခေတ်က ပန်းအိုးလဲ၊ ဘယ်လိုပုံစံလဲ၊ အရောင်ကကော၊ ကြွေနဲ့လုပ်ထားတာလား၊ သတ္တုနဲ့လား၊ သစ်သားနဲ့လား၊ အထဲမှာပန်းတွေထိုးမှာလား၊ ဘာပန်းလဲ၊ ပန်းအိုးကို ဘယ်နားထားမှာလဲ၊ fore-ground မှာလား၊ mid-ground လား၊ back-ground မှာလား၊ ရိုက်ချက်ရဲ့ ဘယ်ဘက်အပေါ်နားမှာလား၊ ညာဘက်အောက်နားလေးမှာလား၊ focus အတွင်းမှာလား၊ out of focus လား၊ မီးထိုးထားမှာလား၊ ဇာတ်ကောင်တွေကကော ထိကိုင်ကြဦးမှာလား အစရှိတာတွေ ဆွေးနွေးကြရမှာပါ။ ဘာကြောင့်လဲဆိုတော့ ဒီပန်းအိုးဟာ သာမန်ပန်းအိုးတစ်အိုးမဟုတ်တော့ပဲ ဒီဇာတ်ဝင်ခန်းထဲမှာရှိတဲ့ အခြားအရာဝတ္ထုတိုင်းကို အဓိပ္ပာယ်တွေ ရိုက်ခတ်နေတဲ့ သင်္ကေတအရာဝတ္ထုတစ်ခုဖြစ်နေလို့ပါပဲ။ တခြားအနုပညာလက်ရာတွေလိုပဲ ရုပ်ရှင်ဟာလည်း သူ့မှာပါဝင်တဲ့ အရာဝတ္ထုတိုင်းရဲ့ တစ်ခုနဲ့တစ်ခု ယှက်နွှယ်ပတ်သက်မှုတွေနဲ့ စုစည်းဖွဲ့စည်းထားတဲ့ အနုပညာတစ်ခုဖြစ်ပါတယ်။
ဒါကြောင့်ဇာတ်ညွှန်းရေးသူဟာ ရုပ်ရှင်ကိုပုံရိပ်စနစ်တွေနဲ့ ပိုမိုအားကောင်းအောင် ပြုလုပ်သင့်ပါတယ်။
ပုံရိပ်စနစ် (Image System)
  ပုံရိပ်စနစ်ဆိုတာ ရုပ်ရှင်ရဲ့အစမှအဆုံးတိုင် အရုပ်နှင့်အသံတွေမှာ အဆက်မပြတ် ထပ်တလဲလဲ အချိုးအစား အမျိုးမျိုးနဲ့ပါဝင်နေတဲ့ ပုံရိပ်အဆင်တန်ဆာအမျိုးအစားတစ်ခုကို နေရာထားသိုခြင်းဖြစ်ပါတယ်။ ဒါပေမယ့် ဒီလိုထားသိုရာမှာ ရုပ်ရှင်ရဲ့ ရသအာရုံခံစားမှုရဲ့ ရှုပ်ထွေးနက်နဲမှုကို ပိုမိုထိရောက်လာအောင် တကယ့်ကို မသိမသာထည့်သွင်းရမှာပါ။
ပုံရိပ်အမျိုးအစားအုပ်စု (Category) ဆိုတာ ပြည့်စုံတဲ့အမျိုးအစားကွဲပြားမှုတွေ ပါဝင်လောက်အောင်ကျယ်ပြန့်တဲ့ ကမ္ဘာကြီးထဲက အကြောင်းအရာတစ်ခုကို ဆိုလိုတာပါ။ ဥပမာအားဖြင့် သဘာဝတရားနဲ့သက်ဆိုင်တဲ့ အကြောင်းအရာအုပ်စုဆိုရင် တိရစ္ဆာန်တွေ၊ ရာသီတွေ၊ အလင်း အမှောင်တွေပါဝင်မှာဖြစ်ပြီး လူ့ယဉ်ကျေးမှုနဲ့သက်ဆိုင်တဲ့အကြောင်းအရာအုပ်စုဆိုရင် အဆောက်အဦတွေ၊ စက်ယန္တရားတွေနဲ့ အနုပညာ စတာတို့ပါဝင်မှာဖြစ်ပါတယ်။ ဒီအုပ်စုတွေဟာ ဇာတ်ကားထဲ ထပ်ကာ ထပ်ကာပါဝင်နေရမှာဖြစ်ပါတယ်၊ ဘာကြောင့်လဲဆိုတော့ သီးခြားစီဖြစ်နေတဲ့ ပုံရိပ်သင်္ကေတ တစ်ခု နှစ်ခုဟာ အားမကောင်းလို့ပါပဲ။ ဒါပေမယ့် စနစ်တကျစုစည်းတည်ဆောက်ထားတဲ့ ပုံရိပ်သင်္ကေတတွေရဲ့စွမ်းအားကတော့ပရိသတ်ရဲ့ မသိစိတ်ထဲ ပုံရိပ်စနစ်ကို စိမ့်ဝင်သွားစေနိုင်ပါတယ်။ ဒါကြောင့် ရုပ်ရှင်တစ်ခုရဲ့ အလှအပတန်ဆာဆင်မှုကို ပရိသတ် မမြင်သာအောင် သိစိတ်အားဖြင့် သတိမပြုမိအောင် ဖန်တီးဖို့က အရေးအကြီးဆုံးဖြစ်ပါတယ်။
ပုံရိပ်စနစ်ကို ပြင်ပပုံရိပ်စနစ် သို့မဟုတ် အတွင်းပုံရိပ်စနစ် စတဲ့နည်းလမ်းနှစ်ခုထဲက တစ်ခုနဲ့ဖန်တီးနိုင်ပါတယ်။ ပြင်ပပုံရိပ်စနစ်ဟာ ရုပ်ရှင်ရဲ့ပြင်ပမှာရှိတဲ့ ကိုယ်ပိုင်အဓိပ္ပာယ်တစ်ခုရှိပြီးသား အရာဝတ္ထုတစ်ခုကို ရုပ်ရှင်ထဲမှာ မူလအဓိပ္ပာယ်အတိုင်း သုံးစွဲတဲ့စနစ်ဖြစ်ပါတယ်။ ဥပမာအားဖြင့်နိုင်ငံတော်အလံဟာ မျိုးချစ်စိတ်ဓာတ်နဲ့ တိုင်းပြည်ချစ်စိတ်ရဲ့ သင်္ကေတတစ်ခုဖြစ်ပြီး နိုင်ငံတော်အလံကိုမျိုးချစ်စိတ်ဓာတ်နဲ့ တိုင်းပြည်ချစ်စိတ်ကို ဖော်ညွှန်းတဲ့အခါ အသုံးပြုခြင်းမျိုးဖြစ်ပါတယ်။ Rocky IV ဇာတ်ကားမှာ ရော့ကီးဟာ ရုရှားလူမျိုးလက်ဝှေ့သမားကို ရှုံးနိမ့်ပြီးနောက် သူ့ကိုယ်သူကြီးမားလှတဲ့ အမေရိကန်အလံတစ်ခုနဲ့ ပတ်လိုက်ခြင်းဟာ နိုင်ငံတော်အလံရဲ့ ပြင်ပမှာရှိတဲ့ သင်္ကေတအဓိပ္ပာယ်ကို ရုပ်ရှင်ထဲ သုံးစွဲလိုက်ခြင်းဖြစ်ပါတယ်။ နောက်ထပ်ဥပမာအားဖြင့် ဘုရားသခင်ရဲ့ ချစ်ခြင်းမေတ္တာနဲ့ ဘာသာရေးယုံကြည်ချက်တို့ရဲ့ သင်္ကေတဖြစ်တဲ့ လက်ဝါးကပ်တိုင်ကို ဘုရားသခင်ရဲ့ ချစ်ခြင်းမေတ္တာနဲ့ ဘာသာရေးယုံကြည်မှုတွေကို ညွှန်းဆိုလိုတဲ့အခါမှာ သုံးစွဲခြင်းမျိုး၊ ပင့်ကူအိမ်ကို ထောင်ချောက်ကို ညွှန်းဆိုလိုတဲ့အခါမှာ သုံးစွဲခြင်းမျိုး၊ ဝမ်းနည်းပူဆွေးမှုကို ဖော်ပြလိုတဲ့အခါ မျက်ရည်စက်ကို သုံးစွဲခြင်းမျိုးတို့ဖြစ်ပါတယ်။ ပြင်ပပုံရိပ်စနစ်ဟာ ကျောင်းသားလက်ရာရုပ်ရှင်တွေရဲ့ ဝိသေသလက္ခဏာဖြစ်ပါတယ်။
အတွင်းပုံရိပ်စနစ်မှာ သုံးစွဲတဲ့အရာတွေဟာ ရုပ်ရှင်ရဲ့ပြင်ပမှာ တိတိကျကျရည်ညွှန်းသောအဓိပ္ပာယ် ရှိချင်မှရှိမည်ဖြစ်သော်လည်း ရုပ်ရှင်ထဲတွင်မူ ထိုရုပ်ရှင်တစ်ခုထဲအတွက်သာ ရည်ညွှန်းသောအဓိပ္ပာယ်သစ်တစ်ခုကို ဖန်တီးယူဆောင်လာပါတယ်။
Les Diabolique ဟာ ၁၉၅၅ ခုနှစ်မှာ ထွက်ခဲ့တဲ့ ဇာတ်ညွှန်းရေးဆရာ/ဒါရိုက်တာ Henri Georges Clouzot ရဲ့ဇာတ်ကားဖြစ်ပါတယ်။ အဲဒီဇာတ်ကားမှာ ခရစ်စတီးနားဟာ အင်မတန်ရှက်ရွံ့ တိတ်ဆိတ် စိတ်ထိခိုက်လွယ်ပြီး ဆွဲဆောင်မှုရှိတဲ့ အမျိုးသမီးငယ်တစ်ယောက်ဖြစ်ပါတယ်။ သူမဟာ ကလေးဘဝကတည်းက နှလုံးရောဂါတစ်ခုကိုခံစားနေရပြီး ဘယ်တော့မှကျန်းမာရေးကောင်းတယ်ရယ်လို့ မရှိပါဘူး။ အဲဒါက အထူးဘော်ဒါကျောင်းတစ်ခုအဖြစ်ဖွင့်လှစ်ထားတဲ့ ပဲရစ်မြို့စွန်က ခြံကြီးကို အမွေမရခင် နှစ်များကပေါ့။ သူမဟာ အဲဒီကျောင်းကို မိန်းမကို နှိပ်စက်တဲ့နေရာမှာ ကျေနပ်နှစ်သက်တတ်ပြီး အတ္တကြီး ရိုင်းစိုင်းသူတစ်ဦးဖြစ်တဲ့ ယောက်ျားဖြစ်သူ မီချဲလ်နဲ့အတူ ဖွင့်လှစ်ထားပါတယ်။ မီရှဲလ်ဟာ အဲဒီကျောင်းက ဆရာမတစ်ဦးဖြစ်တဲ့ နီကိုးနဲ့ ဖောက်ပြန်နေပြီး သူမအပေါ်ကိုလည်း သူ့မိန်းမနည်းတူ ရက်စက်ပါတယ်။ လူတိုင်းက ဒီဖောက်ပြန်မှုအကြောင်းသိကြတယ်။ ဒီလူယုတ်မာရဲ့ ရက်စက်မှုကိုခံစားရင်း မိန်းမနှစ်ယောက်ဟာ သူငယ်ချင်းကောင်းတွေဖြစ်လာကြတယ်။ ဇာတ်ကားရဲ့ အစပိုင်းမှာ သူတို့ရဲ့ ဒုက္ခတွေကနေ လွတ်မြောက်ဖို့ တစ်ခုတည်းသော နည်းဟာ ဒီလူ့ကို သတ်ဖို့ပဲလို့ သူတို့နှစ်ယောက်စလုံး ဆုံးဖြတ်ခဲ့ကြတယ်။
LES DIABOLIQUES
Les Diaboliques
တစ်ညမှာတော့ သူတို့တွေဟာ မီချဲလ်ကို ကျောင်းနဲ့တော်တော်လေးဝေးတဲ့ ရွာတစ်ရွာက သူတို့ လျှို့ဝှက်စွာ ရေချိုးကန်တစ်ခုထဲ ရေအပြည့်ဖြည့်ထားတဲ့ အခန်းတစ်ခန်းကို လိမ်ညာခေါ်ခဲ့ကြတယ်။ မီချဲလ်ရောက်လာတော့ သူတို့ဟာ အရက်မူးအောင်တိုက်ပြီး ရေချိုးကန်ထဲမှာ ရေနှစ်သတ်ဖို့ကြိုးစားကြတယ်။ မီချဲလ်က ထင်သလောက်မမူးပဲ ရုန်းကန်နေလေတော့ သူ့ကို သတ်ဖို့ ခက်ခက်ခဲခဲကြိုးပမ်းရင်း ခရစ်စတီးနားဟာ သေမလောက် ထိခိုက်ဒဏ်ရာရသွားသေးတယ်၊ အဲဒါကြောင့် နီကိုးလ်က လေးလံလှတဲ့ ကျားသစ်နက်ပုံ ကြွေသားရုပ်တုကြီးနဲ့ မီချဲလ်ရဲ့ ရင်ဘတ်ပေါ်ဖိချလိုက်ရတယ်။ ရုပ်တုရဲ့အလေးချိန်ရယ် နီကိုးလ်ရဲ့အားကုန်ထုတ်ကြိုးစားမှုရယ်တွေကြောင့် နောက်ဆုံးမှာ မီချဲလ်ဟာ ရေချိုးကန်အတွင်းမှာရေနစ်သွားခဲ့တယ်။
အမျိုးသမီးတွေဟာ အလောင်းကို မိုးရေခံဖျင်စနဲ့ထုပ်ပြီး ပစ်ကပ်ကားတစ်စီးရဲ့ နောက်ဘက်မှာဝှက်ပြီး ကျောင်းဆီကို ညဘက်ကြီး တိတ်တဆိတ်ပြန်လာခဲ့ကြတယ်။ ကျောင်းရဲ့ရေကူးကန်ဟာ တဆောင်းတွင်းလုံး အသုံးမပြုခဲ့လေတော့ မျက်နှာပြင်မှာရေညှိတွေဖုံးအုပ်နေတယ်။ အမျိုးသမီးတွေဟာ အလောင်းကိုရေထဲချလိုက်တဲ့အခါ အလောင်းဟာ တဖြည်းဖြည်းနဲ့ ရေအောက်ထဲမြုပ်သွားတယ်။ သူတို့နှစ်ယောက်ဟာ ကိုယ့်နေရာကိုယ်ပြန်ကြပြီးတော့ နောက်နေ့အလောင်းရေပေါ်ပေါ်လာမယ့်သတင်းကိုပဲ စောင့်စားနေကြတယ်။ ဒါပေမယ့် နောက်တစ်ရက်ကုန်သွားတယ်၊ အလောင်းပေါ်မလာဘူး။ တစ်ရက်ပြီးတစ်ရက်ကုန်လွန်သွားတယ်၊ အလောင်းပေါ်မလာဘူး။
နောက်ဆုံးမှာ နီကိုးလ်ဟာ သူမရဲ့ကားသော့ကို ရေကူးကန်ထဲ ဟန်ဆောင် ပစ်ချလိုက်ပြီး ကျောင်းသားကြီးတွေထဲက တစ်ယောက်ကို ရေငုပ်ရှာဖို့ အကူအညီတောင်းလိုက်တယ်။ ကောင်လေးဟာ ရေထဲခုန်ဆင်းသွားပြီး အကြိမ်ကြိမ် ရှာတယ်။ အချိန်တော်တော်ကြာရှာပြီး နောက်ဆုံးမှာ သူဟာ ကားသော့နဲ့အတူ ရေပေါ်ပေါ်လာခဲ့တယ်။
အဲဒီနောက်အမျိုးသမီးတွေဟာ ရေကူးကန်ကိုသန့်ရှင်းရေးလုပ်ဖို့ ဆုံးဖြတ်လိုက်ကြတယ်။ ရေကိုဖောက်ချခိုင်းလိုက်ပြီးတော့ ရေကူးကန်အစပ်မှာရပ်ကာ ရေညှိရေတွေ တဖြည်းဖြည်းကုန်ခန်းသွားတာကို စောင့်ကြည့်နေကြတယ်၊ ဒါပေမယ့်ဘာအလောင်းမှ ပေါ်မလာဘူး။ အဲဒီနေ့နေ့လယ်မှာ ပဲရစ်မှ ပင်မင်းဆိုင်တစ်ဆိုင်က ကားဟာ ခြောက်သွေ့သန့်ရှင်းနေတဲ့ မီချဲလ်သေတဲ့နေ့က ဝတ်တဲ့အဝတ်အစားတွေကို လာပို့တယ်။ အမျိုးသမီးတွေဟာ လက်ခံပြေစာမှာ ပဲရစ်က အဆောင်တစ်ဆောင်ရဲ့လိပ်စာကို တွေ့ရပြီး အဲဒီကို အမြန်လိုက်သွားကြတယ်။ သူတို့ အဲဒီအဆောင်ကိုရောက်တော့ ဟုတ်ကဲ့… ဒီမှာလူတစ်ယောက်နေသွားခဲ့တယ်၊ ဒါပေမယ့် ဒီမနက်ပဲသူပြောင်းသွားပြီ ဆိုတဲ့အဖြေကိုသာရတယ်။
သူတို့တွေကျောင်းကိုပဲပြန်လာခဲ့ကြတယ်၊ ကျောင်းရောက်တော့ ပိုပြီးဆန်းကျယ်တဲ့ ဖြစ်ရပ်တွေက စောင့်ကြိုနေတယ်။ မီချဲလ်ကို ကျောင်းပြတင်းပေါက်တွေမှာ မကြာမကြာတွေ့ရတယ်။ ကျောင်းက အတန်းကြီးကျောင်းသားတွေရဲ့ ကျောင်းဆင်းပွဲဓာတ်ပုံမှာ ကျောင်းသားတွေနောက်မှာ ရပ်နေတဲ့သူ့ပုံကို မထင်မရှားမြင်ရတယ်။ ဘာတွေဖြစ်ကုန်ပြီလဲဆိုတာ တွေးမရတော့ဘူး။ သူဟာ သရဲလား။ တနည်းနည်းနဲ့သူ အသက်ရှင်ခဲ့ပြီး သူတို့ကို ဒီလိုပြန်လုပ်နေတာလား။ တစ်ယောက်ယောက်က အလောင်းကိုတွေ့သွားခဲ့ပြီး အဲဒီလူတွေက ဒီလိုလုပ်နေတာလား။
ဒီလိုနဲ့ နွေရာသီကျောင်းပိတ်ရက်ရောက်လာပြီး ကျောင်းသားတွေ ဆရာတွေအားလုံး ပြန်သွားကြတယ်။ နီကိုးလ်ဟာလည်း သူ့ပစ္စည်းတွေကို ထုပ်ပိုးပြီး သူဘယ်လိုမှ သည်းမခံနိုင်တော့ကြောင်းပြောကာ သနားစရာ ခရစ်စတီးနားကို စွန့်ခွာသွားခဲ့တယ်။
အဲဒီညခင်းမှာ ခရစ်စတီးနားဟာ အိပ်လို့မရဘူး၊ နှလုံးတွေခုန်နေပြီးတော့ အိပ်ယာပေါ်မှာ ကြောင်တောင်ကြီးထိုင်နေတယ်။ ညနက်အချိန်တစ်ချိန်ရောက်တော့ သူမယောက်ျားရဲ့ ရုံးခန်းဆီကနေ လက်နှိပ်စက်ရိုက်သံကို ရုတ်တရက်ကြားလိုက်ရတယ်။ သူမဟာ အိပ်ရာပေါ်က ဖြည်းညင်းစွာထပြီး ရှည်လျားလှတဲ့ ကော်ရစ်ဒါတလျှောက် ရင်ဘတ်ကိုလက်နဲ့ဖိရင်း လျှောက်လာခဲ့တယ်။ ရုံးခန်းတံခါးလက်ကိုင်ဖုကို သူမလက်နဲ့ထိလိုက်တာနဲ့ တပြိုင်နက် လက်နှိပ်စက်ရိုက်သံတိတ်သွားတယ်။
သူမ တံခါးကို ဖြည်းညင်းစွာဖွင့်လိုက်တော့ လက်နှိပ်စက်ဘေးမှာ သူမယောက်ျားရဲ့ လက်အိပ်တွေကိုတွေ့ရတယ်။ အဲဒီနောက် သူမဟာ ကြောက်စရာအကောင်းဆုံးအသံတစ်ခုကို ကြားလိုက်ရတယ်။ တစက်စက်ကျနေတဲ့ရေသံ။ ပြင်းထန်စွာလှုပ်ခုန်နေတဲ့ နှလုံးနဲ့အတူ သူမဟာ ရေချိုးခန်းဆီကို ဦးတည်လိုက်တယ်။ သူမ ရေချိုးခန်းတံခါးကိုတွန်းဖွင့်လိုက်တော့ ဘုံဘိုင်ခေါင်းမှ ရေတစက်စက်ကျသံနဲ့အတူ ရေအပြည့်ဖြည့်ထားတဲ့ ရေချိုးကန်ထဲ နစ်မြုပ်နေတဲ့ မီချဲလ်ကို တွေ့လိုက်ရတယ်။
အလောင်းကောင်ထလာတော့ ရေတွေလျှံကျကုန်တယ်။ အလောင်းကောင်က မျက်လုံးကိုဖွင့်လိုက်တော့ အထဲမှာ မျက်လုံးတွေမရှိဘူး။ အလောင်းကောင်ရဲ့လက်တွေ သူမအနားရောက်လာတဲ့အခါ ခရစ်စတီးနားဟာ သေလုတဲ့ နှလုံးဝေဒနာကို ခံစားလိုက်ရပြီး သူမရဲ့ရင်ကိုဖိကာ ကြမ်းပြင်ပေါ်ကို လဲကျသေဆုံးသွားတယ်။ မီချဲလ်ဟာ သူ့မျက်ခွံတွေအောက်ကို နှိုက်ပြီး အထဲက အဖြူရောင်ပလတ်စတစ်ပြားတွေကို ဖယ်ထုတ်လိုက်တယ်။ နီကိုးလ်ဟာ ဗီရိုတစ်ခုထဲက ခုန်ထွက်လာတယ်။ သူတို့နှစ်ယောက်တစ်ယောက်ကိုတစ်ယောက် ဖက်ပွေ့လိုက်ကြပြီး အောင်ပြီလို့ ပြောလိုက်ကြတယ်။
Les Diabolique ဇာတ်ကားရဲ့အဖွင့်စာတန်းထိုးတဲ့အခါ စာတန်းတွေဟာ ခဲရောင်နဲ့အနက်ရောင်ရှိတဲ့ စိတ္တဇပန်းချီကားတွေပေါ်မှာ ထိုးထားတဲ့အလားထင်ကြရတယ်။ ဒါပေမယ့် စာတန်းထိုးဆုံးသွားတဲ့အခါ ပိတ်ကားပြင်ရဲ့အောက်ခြေကနေ အထက်ဘက်ဆီသို့ဖြတ်သန်းသွားတဲ့ ထရပ်ကားတစ်စင်းရဲ့ တာယာတွေကိုမြင်လိုက်ရတဲ့အခါကျမှ ကျွန်တော်တို့တတွေဟာ ရွှံ့အိုင်တစ်ခုကို အပေါ်စီးကနေ ကြည့်နေတာပါလားဆိုတာ နားလည်သွားကြတယ်။ ကင်မရာဟာ မိုးရွာနေတဲ့ ရှုခင်းကိုပြတယ်။ အဲဒီအချိန်ကစလို့ ပုံရိပ်စနစ် “ရေ” ဟာ အဆက်မပြတ် မသိမသာ ထပ်တလဲလဲပါလာတော့တယ်။ ရုပ်ရှင်ထဲမှာ အမြဲတမ်း မိုးတဖွဲဖွဲရွာကာ မြူတွေဆိုင်းနေလေ့ရှိတယ်။ တနေရာမှာ ပြတင်းပေါက်မှန်ပေါ်က ရေငွေ့တွေ စုဖွဲ့ပြီး ရေစက်တွေအဖြစ်နဲ့ ပြတင်းပေါက်ဘောင်ပေါ်စီးကျလာတယ်။ ညစာစားတဲ့အခါ ငါးဟင်းစားကြတယ်။ ခရစ်စတီးနားက သူ့ရဲ့နှလုံးဆေးရည်ကို သောက်တဲ့အခါ ကျန်တဲ့သူတွေက ဝိုင်၊ လက်ဖက်ရည် စတာတွေကို သောက်ကြတယ်။ ဆရာတွေ နွေရာသီကျောင်းပိတ်ရက်အကြောင်းဆွေးနွေးတဲ့အခါ ပြင်သစ်ပြည်တောင်ပိုင်းကိုသွားပြီး ရေသွားချိုးဖို့အကြောင်းပြောကြတယ်။ ရေကူးကန်တွေ၊ ရေချိုးကန်တွေနဲ့ ဒီရုပ်ရှင်ဟာ အစိုစွတ်ဆုံးသော ရုပ်ရှင်တွေထဲက တစ်ခုဖြစ်မယ်ထင်ပါတယ်။
ရုပ်ရှင်ရဲ့ ပြင်ပမှာဆိုရင် ရေဟာ သန့်စင်ခြင်း၊ စင်ကြယ်ခြင်း၊ အသက်ဓာတ်စတဲ့ ကောင်းမွန်တဲ့ အရာတွေအားလုံးရဲ့ သင်္ကေတဖြစ်ပါတယ်။ ဒါပေမယ့် ဒါရိုက်တာ Clouzot ဟာ ရေရဲ့ မူလလက်ခံထားတဲ့ အဲဒီတန်ဖိုးတွေကို  သေခြင်းတရား၊ အကြောက်တရား၊ မကောင်းမှု စတဲ့ ဆန့်ကျင်ဘက်တန်ဖိုးတွေရောက်တဲ့အထိ ပြောင်းလဲပစ်ခဲ့ပြီး ဘုံဘိုင်ခေါင်းက ရေစက်တစ်စက်ကျသံကတောင် ပရိသတ်တွေ ထိုင်ခုံပေါ်က ထခုန်အောင် ပြုလုပ်ခဲ့ပါတယ်။
Casablanca ဇာတ်ကားကို ပုံရိပ်စနစ် သုံးမျိုးနဲ့ ရက်လုပ်ထားပါတယ်။ အကျဉ်းချခံထားရတဲ့ အာရုံခံစားမှုမျိုးရလာအောင် ပထမပုံရိပ်စနစ်က တန်ဆာဆင်ထားတာကြောင့် Casablanca မြို့ကို အကျဉ်းထောင်အတုတစ်ခုလို ထင်မြင်လာစေပါတယ်။ ရဲတွေက ထောင်ကြပ်ဝါဒါတွေ ဖြစ်နေသည့်အလား ဇာတ်ကောင်တွေဟာ သူတို့ရဲ့ လွတ်မြောက်မှုအစီအစဉ်တွေကို တိုးတိုးပြောကြတယ်။ လေဆိပ်မျှော်စင်ပေါ်က အချက်ပြမီးဟာ အကျဉ်းထောင်ထဲက ရှာဖွေရေးမီးတွေလိုပဲ မြို့ရဲ့လမ်းတွေပေါ် ရွေ့လျားနေတယ်။ ပြတင်းပေါက်လိုက်ကာတွေ၊ အခန်းအကာအရံတွေ၊ လှေကားလက်ရန်းတွေရဲ့အရိပ်တွေ၊ နောက်ဆုံး ပန်းအိုးထဲက အုန်းပင်အရွက်တွေရဲ့ အရိပ်တွေဟာ အကျဉ်းထောင်ထဲက သံတိုင်တွေရဲ့ အရိပ်ကဲ့သို့ ဖြစ်နေတယ်။
ဒုတိယစနစ်ကတော့ တစ်သီးပုဂ္ဂလအဖြစ်ကနေ တစ်စုံတစ်ခုကို ကိုယ်စားပြုသူအဖြစ် တဖြည်းဖြည်းတည်ဆောက်ထားခြင်းဖြစ်တယ်။ Casablanca ဟာဒုက္ခသည်စခန်းတစ်ခုအဖြစ်စတင်ခဲ့ပြီးတော့ အာရပ်တွေ ဥရောပသားတွေတင်မက အာရှသားတွေ အာဖရိကန်တွေနဲ့ ကုလသမဂ္ဂအသေးစားလေးဖြစ်လာခဲ့တယ်။ ရစ်ခ်နဲ့ သူ့သူငယ်ချင်း ဆမ်တို့ နှစ်ယောက်တည်းသာနှစ်ဦးတည်းသော အမေရိကန်ဖြစ်တယ်။ အခန်းပေါင်းများစွာမှာ လူပေါင်းများစွာဟာ ရစ်ခ်နဲ့ အမေရိကကို တွဲဖက်ပြီး ရစ်ခ်ဟာ နိုင်ငံတစ်ခုဖြစ်သည့်အလား ပြောဆိုဆက်ဆံကြတာဟာ နောက်ဆုံး ရစ်ခ်ဟာ အမေရိကရဲ့ သင်္ကေတဖြစ်လာခဲ့ပြီး ကာဆာဘလန်ကာဟာ ကမ္ဘာကြီးရဲ့ သင်္ကေတဖြစ်လာခဲ့တယ်။ ၁၉၄၁ ခုနှစ်က အမေရိကဟာ ကမ္ဘာစစ်မှာ ဝင်မပါချင်သလိုပဲ ရစ်ခ်ဟာ ဘယ်ကိစ္စမှာမှ ပါဝင်ပတ်သက်ခြင်းမရှိပဲ ကြားနေအဖြစ်နေခဲ့တယ်။ တော်လှန်ရေးအတွက် ရစ်ခ်ရဲ့ ပါဝင်မှုဟာ နောက်ဆုံး ကမ္ဘာစစ်မှာ မဟာမိတ်တပ်တွေဘက်က ဝင်ပါခဲ့တဲ့ အမေရိကကို ဂုဏ်ပြုရာလည်း ရောက်တယ်။
တတိယစနစ်ကတော့ တွဲဖက်ခြင်းနဲ့ ခွဲခြားခြင်းတို့ဖြစ်ပါတယ်။ ပြကွက်တစ်ကွက်ထဲက ရုပ်ပုံတွေ ဖွဲ့စည်းပုံတွေ(composition) ကို ရစ်ခ်နဲ့ အီလ်ဆာတို့ရဲ့ ဝေးကွာနေပေမယ့် အတူတူရှိနေတယ်ဆိုတဲ့အချက်ကို ဖော်ပြနိုင်ဖို့ သုံးစွဲတာမျိုးဖြစ်ပါတယ်။ အခြားတစ်ဘက်မှာလည်း အတူရှိနေပေမယ့် တကွဲတပြားစီဖြစ်နေကြတဲ့ အီလ်ဆာနဲ့ လာဇလိုတို့ရဲ့ အဖြစ်ကို ပိုမိုပေါ်လွင်အောင်ဖော်ပြဖို့ အရုပ်ဖွဲ့စည်းပုံဒီဇိုင်းများကို အသုံးပြုခြင်းဖြစ်ပါတယ်။
Ingmar Bergman ရဲ့ Through A Glass Darkly ဇာတ်ကားဟာ ဇာတ်လမ်း(Story line) ခြောက်ခုနဲ့ multiplot အမျိုးအစားဇာတ်ကားတစ်ကားဖြစ်ပါတယ်။ အဲဒီဇာတ်ကားမှာ အဖေ့အတွက်ရည်ညွှန်းတဲ့ အပေါင်းလက္ခဏာဇာတ်ထွတ်(positve climax) သုံးခု၊ သမီးအတွက်ရည်ညွှန်းတဲ့ အနှုတ်လက္ခဏာဇာတ်သိမ်း(negative ending) သုံးခုပါဝင်ပြီးတော့ ပုံရိပ်စနစ်လေးခုထက်မနည်းကို ယှက်ဖောက်တည်ဆောက်ထားပါတယ်။ အဖေ့ဇာတ်လမ်းတွေကို နေရာကျယ်ကျယ်တွေ၊ အလင်းရောင်၊ ဉာဏ်ပညာ၊ စကားပြောဆက်သွယ်မှု စတဲ့ပုံရိပ်စနစ်တွေနဲ့ဖော်ပြထားပြီး သမီးဖြစ်သူရဲ့ ပြဿနာတွေကိုတော့ နေရာကျဉ်းကျဉ်းတွေ၊ အမှောင်၊ တိရစ္ဆာန်တွေရဲ့ပုံတွေ၊ လိင် စတဲ့ ပုံရိပ်စနစ်တွေနဲ့ ဖော်ကျူးထားပါတယ်။
 Through A Glass Darkly
Roman Polanski ရဲ့ Chinatown ဇာတ်ကားမှာတော့ ပြင်ပပုံရိပ်စနစ်နှစ်ခု၊ အတွင်းပုံရိပ်စနစ်နှစ်ခု အားလုံးပေါင်းလေးခုကို အသုံးပြုထားပါတယ်။ ပထမ အတွင်းပုံရိပ်စနစ်ကို အမှန်မမြင်ခြင်း သို့မဟုတ် မှားယွင်းစွာမြင်ခြင်းကို ကိုယ်စားပြုတဲ့ ရုပ်ပုံများဖြစ်တဲ့ ပြတင်းပေါက်မှန်တွေ၊ နောက်ကြည့်မှန်တွေ၊ မျက်မှန်တွေ အထူးသဖြင့် ကျိုးပဲ့နေတဲ့မျက်မှန်၊ ကင်မရာ၊ အဝေးကြည့်မှန်ပြောင်း၊ မျက်လုံး၊ ပွင့်နေပြီး ဘာမှမမြင်ရတဲ့ လူသေရဲ့မျက်လုံး စတာတွေကိုအသုံးပြုထားပြီး အဲဒါတွေအားလုံးစုပေါင်းပြီး အကယ်၍ ကျွန်တော်တို့ဟာ မကောင်းမှုကို လူ့လောကအတွင်းမှာ ရှာဖွေနေရင် အဲဒါဟာ လွဲမှားတဲ့ရှာဖွေမှုတစ်ခုဖြစ်ပြီး တကယ်တော့မကောင်းမှုဟာ ကျွန်တော်တို့ စိတ်အတွင်းမှာသာရှိတယ်ဆိုတဲ့ သဘောတရားကို ပြင်းပြင်းထန်ထန်ဖော်ပြနေတယ်။ “သမိုင်းဆိုတာ ရောဂါလက္ခဏာဖြစ်ပြီး ကျွန်တော်တို့က ရောဂါ” လို့ တချိန်က မော်စီတုံးပြောခဲ့သလိုပဲပေါ့။
chinatown-jack-nicholson-faye-dunaway.jpg
Chinatown
ဒုတိယအတွင်းပုံရိပ်စနစ်ကတော့ နိုင်ငံရေးအကျင့်ပျက်ခြစားမှုကို လူမှုရေးရဲ့ အင်္ဂတေအဖြစ် ပြောင်းလဲထားခြင်းဖြစ်ပါတယ်။ စာချုပ်အတုတွေ၊ ဖောက်ပြန်နေတဲ့ ဥပဒေတွေ၊ အကျင့်ပျက်ခြစားမှုတွေဟာ လူ့အဖွဲ့အစည်းကို အတူတကွထိန်းချုပ်ထားပြီး တိုးတက်မှုတွေကိုဖန်တီးနေတယ်။ ပြင်ပပုံရိပ်စနစ်နှစ်ခုကတော့ သမားရိုးကျ ထပ်ဆင့်အဓိပ္ပာယ်တွေရှိပြီးသားဖြစ်တဲ့ ရေနဲ့ မိုးခေါင်ခြင်း၊ လိင်ပိုင်းဆိုင်ရာရက်စက်ခြင်းနဲ့ လိင်ပိုင်းဆိုင်ရာအချစ် တို့ကို ထိထိရောက်ရောက်အသုံးပြုထားခြင်းဖြစ်ပါတယ်။
Alien ဇာတ်ကားထွက်လာတော့ ဟောလီးဝုဒ် တရားလွန်နေပြီလားဆိုတဲ့ မေးခွန်းနဲ့ တိုင်းမ် မဂ္ဂဇင်းဟာ ပုံတွေဝေဝေဆာဆာနဲ့ ဆယ်မျက်နှာစာဆောင်းပါးတစ်ပုဒ်ကိုဖော်ပြခဲ့တယ်။ ဘာကြောင့်လဲဆိုတော့ အဲဒီရုပ်ရှင်မှာ လိင်လှုံဆော်မှုအားကောင်းတဲ့ ပုံရိပ်စနစ်ကို အသုံးပြုထားပြီး သိသာထင်ရှားတဲ့ မုဒိန်းခန်းသုံးခန်းပါဝင်လို့ပါပဲ။
ဆယ်စုနှစ်ပေါင်းများစွာကို ပြန်သွားကြည့်ရင် ဟစ်ခ်ျကော့ရဲ့ Thrillers တွေဟာ ပြင်းပြတဲ့ဘာသာရေးယုံကြည်မှုပုံရိပ်တွေနဲ့ လိင်မှုကိစ္စတွေကို ပေါင်းစပ်ထားခဲ့ပြီး John Ford ရဲ့ Westerns ရုပ်ရှင်တွေက အရိုင်းအစိုင်းဆန်မှုနဲ့ ယဉ်ကျေးမှုဖွံ့ဖြိုးတိုးတက်မှုတို့ကို လိုက်လျောညီထွေစွာ ပေါင်းစပ်ထားတာပါ။ တကယ်တော့ နှစ်ရာစုပေါင်းများစွာကို ပြန်သွားကြည့်မယ်ဆိုရင် ပုံရိပ်စနစ်ဆိုတာဟာ ဇာတ်လမ်းပညာ(story) နည်းတူ အင်မတန်အိုဟောင်းနေပြီဆိုတာ သဘောပေါက်လာမှာပါ။ ဟိုးမားက သူ့ရဲ့ အက်ပစ်ဇာတ်လမ်း(epics) တွေအတွက် လှပတဲ့ တန်ဆာဆင်မှုတွေလုပ်ခဲ့သလို Aeschylus, Sophocles, Euripides တို့ကလည်း သူတို့ရဲ့ပြဇာတ်တွေအတွက် အလားတူဖန်တီးခဲ့ကြပါတယ်။ ရှိတ်စပီးယားဟာ သူ့ရဲ့အနုပညာလက်ရာတွေထဲ ခိုင်မာတဲ့ ပုံရိပ်စနစ်တွေကို ထည့်သွင်းထားခဲ့သလို မယ်ဗီးလ်၊ အယ်လင်ပိုး၊ တော်စတွိုင်းလ်၊ ဒစ်ကင်း၊ အော်ဝဲလ်၊ ဟဲမင်းဝေး၊ ချက်ကော့၊ ဘားနတ်ရှော၊ ဘက်ကတ် စတဲ့ဝတ္ထုရေးဆရာ၊ ပြဇာတ်ရေးဆရာကြီးတွေအားလုံးဟာ ဒီစည်းမျဉ်းကို အလေးထားခဲ့ကြပါတယ်။
ရုပ်ရှင်တွေပေါ်လာတော့ ဝတ္ထုရေးဆရာနဲ့ ပြဇာတ်ရေးဆရာတွေဟာ အသံတိတ်ရုပ်ရှင်တွေရဲ့ ဇာတ်ညွှန်းတွေကို ဖန်တီးဖို့ ဟောလီးဝုဒ်၊ လန်ဒန်၊ ပဲရစ်၊ ဘာလင်၊ တိုကျို၊ မော်စကို စတဲ့မြို့တွေကို ရောက်လာကြတယ်။ ရုပ်ရှင်ရဲ့ ပထမဆုံးအဓိကဒါရိုက်တာကြီးတွေဖြစ်တဲ့ D. W. Griffith, Eisenstein, Murnau တို့ဟာလည်း ရုပ်ရှင်ဆိုတာ ပြဇာတ်ကောင်းတစ်ပုဒ်လိုပဲ ကြည့်သူရဲ့မသိစိတ်ထဲကို ထပ်တလဲလဲ မသိမသာဖော်ပြနေတဲ့ ပုံရိပ်တွေကနေတဆင့် ရောက်ရှိသွားနိုင်တာကို သိနားလည်ခဲ့ကြပါတယ်။
ပုံရိပ်စနစ်တစ်ခုဟာ ကြည့်ရှုသူလုံးဝမသိသာစေပဲ မသိစိတ်ထဲဝင်ရောက်သွားအောင်ပြုလုပ်ဖို့ လိုအပ်ပါတယ်။ လွန်ခဲ့တဲ့နှစ်တွေတုန်းက ဘူနွဲ(Luis Bunuel) ရဲ့ Viridiana ကိုကြည့်မိတော့ ဘူနွဲဟာ ကြိုးတွေကို အသုံးပြုပြီး ပုံရိပ်စနစ်တစ်ခုကို ဖန်တီးထားတာ သတိပြုမိပါတယ်။ ကလေးတစ်ယောက်ဟာ ကြိုးတွေနဲ့ ခုန်ချတယ်၊ လူချမ်းသာတစ်ယောက်ဟာ ကြိုးတစ်ချောင်းနဲ့ ကိုယ့်ကိုယ်ကိုယ် ကြိုးဆွဲချသတ်သေတယ်၊ လူဆင်းရဲတစ်ယောက်ဟာ ကြိုးကို ခါးပတ်အဖြစ်သုံးတယ်။ ငါးကြိမ်မြောက်လောက်မှာ ကြိုးတစ်ချောင်းဟာ ပိတ်ကားပြင်ပေါ်ကျလာတော့ ပရိသတ်တွေဟာ တညီတညွတ်တည်း “ဒါ သင်္ကေတပဲ” လို့အော်မိကြတယ်။
piernas
Viridiana
သင်္ကေတဆိုတာဟာ သိစိတ်ကိုကျော်လွှားပြီး မသိစိတ်ထဲတိုက်ရိုက်ဝင်ရောက်သွားနိုင်လို့ ကျွန်တော်တို့ နားလည်ထားတာထက်ပိုပြီး အားကြီးတဲ့ အရာဖြစ်ပါတယ်။ ကျွန်တော်တို့ အိပ်မက်မက်တဲ့အခါ ဖြစ်သလိုပါပဲ။ သင်္ကေတကို အသုံးပြုပုံဟာ ရုပ်ရှင်နောက်ခံတေးဂီတတီးခတ်တာနဲ့ သဘောတရားအတူတူပါပဲ။ အသံဟာ သိစိတ်မလိုပါဘူး၊ ကျွန်တော်တို့ သတိမပြုမိတဲ့အခါ ဂီတသံဟာ ကျွန်တော်တို့ကို ပိုပြီးနက်နက်နဲနဲထိခိုက်စေပါတယ်။ အဲဒီလိုပဲ သင်္ကေတပုံရိပ်တွေဟာလည်း သူတို့ကို ကျွန်တော်တို့ သင်္ကေတတွေမှန်း သတိမပြုမိသရွေ့ ကျွန်တော်တို့ကို ထိခိုက် လှုပ်ရှားစေပါတယ်။ သင်္ကေတကို သတိပြုမိသွားတဲ့အခါ သူတို့ဟာ စွမ်းအားမဲ့သွားပြီး အဓိပ္ပာယ်မဲ့တဲ့အရာတွေအဖြစ်ပြောင်းလဲသွားပါတယ်။
တချို့တွေက ရုပ်ရှင်ရဲ့ပုံရိပ်စနစ်ကို ဖန်တီးဖို့ရာဟာ ဒါရိုက်တာတွေရဲ့အလုပ်ဖြစ်ပြီး သူတို့သာလျှင်ဖန်တီးသင့်တယ်လို့ စောဒကတက်ကြပါတယ်။ ရုပ်ရှင်ရဲ့ ပြကွက်တိုင်းအတွက် တာဝန်အရှိဆုံးသူဟာ ဒါရိုက်တာဆိုတာ ကျွန်တော်မငြင်းလိုပါဘူး။ ဒါပေမယ့် ကျွန်တော် အထက်မှာရှင်းပြခဲ့တာကို သိနားလည်တဲ့ ဒါရိုက်တာ ဘယ်နှယောက်ရှိပါသလဲ။ အနည်းစုပါပဲ။ တကမ္ဘာလုံးမှာမှ နှစ်ဒါဇင်လောက်ပဲရှိကောင်းရှိမယ်။ တကယ့်ကို အနည်းငယ်သော ဒါရိုက်တာများသာလျှင် အလှအပရိုက်ထားတဲ့ ရုပ်ပုံတွေနဲ့ ရသခံစားမှုကို ဖော်ကျူးထားတဲ့ ရုပ်ပုံတွေရဲ့ ကွာခြားချက်ကို ပြောပြနိုင်ပါလိမ့်မယ်။
ကျွန်တော်ကတော့ ဇာတ်ညွှန်းရေးဆရာက ရုပ်ရှင်ရဲ့ ပုံရိပ်စနစ်ကို အစပြုပြီး ဒါရိုက်တာနဲ့ ဒီဇိုင်နာတွေက အဆုံးသတ်သင့်တယ်လို့ ဆိုချင်ပါတယ်။ ဇာတ်လမ်းရဲ့ ကမ္ဘာကြီးကို ဖော်ကျူးမယ့်ပုံရိပ်တွေကို ပထမဆုံးစတင်စိတ်ကူးပုံဖော်တဲ့သူဟာ ဇာတ်ညွှန်းရေးသူသာဖြစ်တယ်မဟုတ်ပါလား။ တခါတရံ ကျွန်တော်တို့ စာရေးနေတုန်းမှာ ပုံရိပ်အဆင်အပြင်တွေဟာကျွန်တော်တို့ရေးဖွဲ့မှုတွေ၊ စကားပြောတွေမှာ ပါဝင်လာတာကို အမှတ်မထင်သတိပြုမိတတ်ပါတယ်။ အဲဒီလို သတိပြုမိလာတဲ့အခါ ကျွန်တော်တို့ဟာ အမျိုးမျိုးသောပုံစံတွေနဲ့ ဇာတ်လမ်းထဲ မသိမသာထည့်သွင်းရပါမယ်။ ပုံရိပ်စနစ်တစ်ခုဟာ သူ့ဘာသာသူအလုပ်မဖြစ်ခဲ့ရင် နောက်ထပ်တစ်ခုဖန်တီးရပါမယ်။ ပရိသတ်တွေက ကျွန်တော်တို့ ဘယ်လိုဖန်တီးတယ်စိတ်မဝင်စား၊ သူတို့လိုချင်တာ ဇာတ်လမ်းအလုပ်ဖြစ်ဖို့ပဲမဟုတ်ပါလား။
*Robert Mckee ရဲ့ Story စာအုပ်မှ Image Systems ကို ဇော်ဗိုလ်ဗိုလ်ဟိန်း ဘာသာပြန်ဆိုသည်။

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s